Vuolgge mielde čalmmustahttit čáppa Barentsguovllu –sáhtát vuoitit 1 200 Euro.
Duogáš
Odne almmuhit Discover Barents 2020 govvengilvvu, ja buohkat geat liikojit govvet bovdejuvvojit searvat! Govvengilvu čađahuvui vuosttaš geardde 2017 Suomas, Kainuu guovllus. Suomas leai dalle ovdagoddedoaibma Barents Regiovdnaráđis. (https://www.barentscooperation.org/en/About/Learn-More/Barents-region).
Gilvvu váldoulbmil lea ovddidit ja nannet rádjarasttildeaddjiid ovttasbarggu Barentsguovllus. Muđui lea ulbmil vuosehit Barentsguovllu vejolašvuođaid. Vuosttaš govvengilvvu fáddá leai luondu, ja gilvu lihkostuvai hirbmat bures.
Discover Barents Govvengilvu 2020 – Coronavirusa váikkuheapmi Barentsguvlui
Västerbottena leanastivrras, mas lea ovdagoddedoaibma Barents Regiovdnaráđis dán áigodagas (2019-2021), lea áigumuš joatkit gilvvu 2020/2021, ja sávašii ahte regiovdna mas lea ovdagoddedoaibma lágida gilvvuid juohke nuppi jagi. Govvengilvvu 2020 fáddá lea Coronavirusa váikkuheapmi Barentsguvlui. Mii leat omd gidden rájiid Coronavirusa geažil. Pandemiia váikkuha visot máilmmis ja de leai lunddolaš válljet dán fáttá.
Buohkat geat háliidit sáhttet gilvui searvat. Don dieđihat iežat gilvui go sáddet govaid maid leat govven Barentsguovllus ja mat govvidit dálá dili Coronavirus pandemiias. Gilvvohallit eai oaččo eanet go guokte govaid sáddet. Sturrodatgáibadus: unnimus 1,600 piksel sturrosaš govat. Mii fuomášahttit ahte olbmot geat leat govvejuvvon galget mieđihit dasa ahte govaid sáhttá almmuhit ja ahte dat sáddejuvvojit govvengilvui. Olbmot geat leat govvejuvvon fertet čielgasit duođastit ahte govaid oažžu almmustahttit. Gilvvu bokte mii háliidit čohkket govaid main lea buorre kvalitehta ja mat čájehit Barentsguovllu Corona pandemiias. Govat leat maid historjjálaš muittut dán áiggis mas mii eallit.
Loga eanet njuolggadusaid birra dás regler och priser.
Govvengilvu bistá 16át beaivvi skábmamánus 2020 gitta 19át beaivvi ođđajagemánus 2021. Riikkaidgaskasaš jury vállje vuoiti guovvamánus ja ovdanbuktá vuoiti 5át beaivvi njukčamánus. Gilvobohtosat almmuhuvvojit neahttasiidduin www.discoverbarents.com ja www.barentscooperation.org. Buohkat geat vuitet ožžot dieđu, jus fal oktavuođadieđut leat midjiide sáddejuvvon.
Vuoittut juogaduvvojit čuovvovaččat:
I vuoitu: 1 200 Euro
II vuoitu: 850 Euro
III vuoitu: 600 Euro
Gudnebálkkašupmi dan govvii maid máŋggas liikojit
Jury vállje golbma buoremus govaid ja dasalassin besset olbmot jienastit gova masa eanemusat liikojit. Govat leat sosiála medias, instagrámmas fáddagilkor #barents2020. Govva mii oažžu eanemus jienaid vuoitá gudnebálkkašumi. Govas ii leat seammá gáibadusat pixelsturrodagas go dain govain mat jury lea nammadan. Seammá govva ii sáhte vuoitit jurybálkkašumi ja gudnebálkkašumi. Govvengilvu čalmmustahttojuvvo sosiála mediain, fáddágilkoriiguin #discoverbarents ja #barents2020 bokte.
Västerbottena leanastivra váldá oktavuođa suinna gii vuoitá govvengilvvu vuosttaš vuoittu. Vuoiti oažžu de eanet dieđu bálkkašumi vuostáiváldima birra.
Jus dárbbašat eanet dieđuid váldde oktavuođa
Elisabeth Björkman, Västerbottena leanastivra, + 46 10 225 44 86, elisabeth.bjorkman@lansstyrelsen.se